Samux rayonunda “Yaşıl dünya naminə həmrəylik ili” və “Təmiz Ölkəm” layihəsi çərçivəsində ümumrayon iməciliyi keçirilib.
“Qafqazinfo” xəbər verir ki, rayonun bütün yaşayış məntəqələrini əhatə edən aksiyada Samux RİH başçısı Firdovsi Əliyev, icra hakimiyyətinin əməkdaşları, hüquq-mühafizə orqanlarının rəhbərləri, şəhid ailələri, qazilər, yerli sakinlər könüllü olaraq iştirak ediblər.
İməcilikdə əsasən yollların kənarı məişət tullantılarından, yeni əkilmiş ağacların ətrafındakı qurumuş ot, ağac və gül kolları təmizlənib.
Eyni zamanda rayonun Sərkar kəndi və rayon mərkəzindən 63 km uzaqlıqda, Gürcüstan ilə həmsərhəd olan Salahlı kəndinin ərazisində 2000 ədədədək müxtəlif növ həmişəyaşıl ağaclar əkilib.
