Mersisaydlıların evdə “Aston Villa”ya qalib gəldiyi oyunda Salah qol və məhsuldar ötürmə ilə yadda qaldı. “Mançester Siti” çempionatda ardıcıl 2-ci məğlubiyyətlə barışdı. Son çempion səfərdə “Brayton”a uduzdu. Qvardiolanın komandası açıq-aşkar böhran yaşayır. “Siti” 2006-cı ildən bəri ilk dəfə bütün turnirləri nəzərə almaqla ardıcıl 4 oyunda uduzub. Həmçinin Qvardiolanın məşqçi karyerasında da ilk dəfə belə hal yaşanır.
Turun mərkəzi oyunu “Çelsi” ilə “Arsenal” arasındakı London derbisi idi. Paytaxt klubları meydandan 1:1 hesablı heç-heçə ilə ayrıldı. “Mançester Yunayted” futbolçuları azarkeşlərini sevindirdi. Hələ də Van Nistelroyun rəhbərliyi altında meydana çıxan “qırmızı şeytanlar” “Lester”in qapısından üç cavabsız top keçirdi. “Nyukasl” “Nottingem Forest”lə oyunda əzmkar qələbə qazandı.
“Tottenhem”in nəticələrinə izah tapmaq çətindi. Ange Postekoğlunun komandası evdə aşkar autsayder “İpsviç”ə uduzdu. Bu, “traktorçular”ın mövsümdəki ilk qələbəsidi. “Vulverhempton” da cari mövsümdəki ilk qələbəsini qazandı. “Canavarlar” autsayderlərin duelində “Sauthempton”un öhdəsindən gəldi. “Brentford” – “Bornmut” oyununda 5 qol vuruldu. “Arılar” sonda qələbəni bayram etdi – 3:2. “Fulhem” “Kristal Pelas”la səfər oyunundan inamlı qələbə ilə qayıtdı. Turun yalnız bir oyununda qapılar toxunulmaz qaldı. Turnir cədvəlinin 2-ci qütbündə olan “Vest Hem” ilə “Everton” bir-birinin qapısına yol tapa bilmədi.
11-ci tur
Liverpul – Aston Villa 2:0
Nunyes, 20. Salah, 84. (60292)
Liverpul: Kelleher, Aleksander-Arnold (Bredli, 25), Konate, Van Diyk, Robertson, Qravenberx, Makallister (Endo, 87), Salah, Cons (Soboslai, 65), Dias, Nunyes (Qakpo, 65).
Brayton – Mançester Siti 2:1
Pedro, 78. O”Rayli, 83 – Holann, 23. (31715)
MS: Ederson, Lüis, Uoker, Simpson-Pyuzi, Qvardiol, Kovaçiç, Savinyo (De Bruyne, 74), Foden, Gündoğan (B.Silva, 72), Nunyeş, Holann.
Çelsi – Arsenal 1:1
Neto, 70Martinelli, 60. (39780)
Çelsi: Sançes, Hüsto (Ceyms, 82), Fofana, Koluill, Kukurelya, Kaysedo, Lavia (Fernandes, 68), Madueke (Mudrik, 68), Palmer, Cekson (Nkunku, 88), Neto.
Arsenal: Rayya, Uayt, Saliba, Qabriel, Timber, Edeqor, Parti, Rays (Merino, 71), Saka (Jezus, 81), Haverts, Martinelli (Trossar, 71).
Tottenhem – İpsviç 1:2
Bentankur, 69 – Şmodiks, 31. Delap, 43. (61505)
Tottenhem: Vikario, Porro, Romero, Drequşin, Udoci, Kulusevski, Bentankur (Bissuma, 84), Sarr (Verner, 66), Conson (Meddison, 84), Solanke, Son Hın Min.
Mançester Yunayted – Lester 3:0
Fernandeş, 17. Kristiansen, 38-öz qapısına. Qarnaço, 82. (73829)
MY: Onana, Dalot (Evans, 57), De Liqt, Martines, Mazraui, Kazemiro (Eriksen, 79), Uqarte, Dyallo, Fernandeş, Reşford (Qarnaço, 57), Heylunn (Zirkzee, 75).
Brentford – Bornmut 3:2
Vissa, 27; 58. Damsqor, 50Evanilson, 17. Klyuvert, 49. (???)
Kristal PelasFulhem 0:2
Smit-Rou, 45+2. Uilson, 83. (25142)
Vest HemEverton 0:0
(62463)
VulverhemptonSauthempton 2:0
Sarabiya, 2. Kunya, 51. (31403)
Nottingem ForestNyukasl 1:3
Murilyo, 21İsak, 54. Joelinton, 72. Barns, 83. (30145)
1. Liverpul 11 9 1 1 21-6 28
2. Mançester S. 11 7 2 2 22-13 23
3. Çelsi 11 5 4 2 21-13 19
4. Arsenal 11 5 4 2 18-12 19
5. Nottingem F. 11 5 4 2 15-10 19
6. Brayton 11 5 4 2 19-15 19
7. Fulhem 11 5 3 3 16-13 18
8. Nyukasl 11 5 3 3 13-11 18
9. Aston Villa 11 5 3 3 17-17 18
10. Tottenhem 11 5 1 5 23-13 16
11. Brentford 11 5 1 5 22-22 16
12. Bornmut 11 4 3 4 15-15 15
13. Mançester Y. 11 4 3 4 12-12 15
14. Vest Hem 11 3 3 5 13-19 12
15. Lester 11 2 4 5 14-21 10
16. Everton 11 2 4 5 10-17 10
17. İpsviç 11 1 5 5 12-22 8
18. Kristal Pelas 11 1 4 6 8-15 7
19. Vulverhempton 11 1 3 7 16-27 6
20. Sauthempton 11 1 1 9 7-21 4
Bombardirlər: Holann (MS) – 12, Mbemo (Brentford), Vud (Nottingem Forest), Salah (Liverpul) – 8, Palmer (Çelsi) – 7.
Növbəti turun oyunları noyabrın 23-25-də keçiriləcək: Lester – Çelsi, Bornmut – Brayton, Arsenal – Nottingem Forest, Aston Villa – Kristal Pelas, Everton – Brentford, Fulhem – Vulverhempton, Mançester Siti – Tottenhem, Sauthempton – Liverpul, İpsviç – Mançester Yunayted, Nyukasl – Vest Hem.
Turun rəqəmi
35 – Salah premyer-liqada eyni vaxtda həm qol vurduğu, həm də məhsuldar ötürmə verdiyi oyunların sayını bu həddə çatdırdı. Bu göstəricidə liqanın rekordçusu Ueyn Runidi (36). Salah cari mövsümdə keçirdiyi 11 oyunda 8 qol vurub, 6 məhsuldar ötürmə verib.
Turun ulduzu
Məhəmməd Salah (Liverpul) – misirli forvard möhtəşəm forma yığıb. Nunyes “bədxərclik etməsəydi”, Salahın bu oyundakı məhsuldar ötürmələrinin sayı daha çox olacaqdı.
Turun sitatı
Xosep Qvardiola, MS-nin baş məşqçisi (komandasının ardıcıl 4 oyunda uduzması haqda):
“Həyatda həmişə nəsə ilk dəfə yaşanır. “Bornmut” qələbəyə layiqdi, ancaq qalan oyunlarda biz çox yaxşı təsir bağışlamışdıq. Uduzmuşuq, bu üzdən mənim dəlillərim özünə bəraət qazandırmaq cəhdinə bənzəyəcək. Həqiqətən pis oynasaydıq, bunu deməzdim. Ancaq hesab etmirəm ki, pis oynayırıq”.
Fakt
Holann premyer-liqada yeni rekorda imza atdı."Brayton"la oyunda fərqlənən norveçli hücumçu bu liqanın tarixində 75 qola ən tez çatan oyunçudu. Holann bunu 77 matçda bacarıb.
