“Vest Hem” baş məşqçi axtarışına başlayıb. Rəhbərlik Xulen Lopeteqinin işindən narazıdır.
Futbolinfo.az xəbər verir ki, ispan mütəxəssis elə gələn həftə qovula bilər. Noyabrın 26-da “Nyukasl”la səfər qarşılaşması onun son şansıdır. Yalnız qələbə Lopeteqinin postunda qalma müddətini uzada bilər.
11 oyuna 12 xal toplayan “Vest Hem” hazırda Premyer Liqada 14-cü pillədə qərarlaşıb. Lopeteqi komandadakı ilk mövsümünü keçirir. O, İngiltərədə daha öncə “Vulverhempton”u çalışdırıb.
