Misli Premyer Liqasının XIV turunun “Səbail” – “Qarabağ” oyununun heyətləri açıqlanıb.
İdman.biz xəbər verir ki, uzun fasilədən sonra Şahrudin Məhəmmədəliyevin adı matçın protokoluna daxil edilib.
Azərbaycan millisinin və “Qarabağ”ın qapıçısı zədə səbəbindən heyətdən uzaq düşmüşdü. Onun adı Premyer Liqada sonuncu dəfə I turda protokola düşüb.
O, avqustun 2-də “Araz-Naxçıvan”la görüşdə (4:1) 90 dəqiqə meydanda olub. Sonradan zədələnən qolkiper 113 gündən sonra protokola daxil edilib. Komandasının 1 nömrəli futbolçusu bu dəfə ehtiyat oyunçular skamyasında yer alıb.
Qeyd edək ki, “Səbail” – “Qarabağ” görüşü saat 17:00-da başlayacaq.
Vüqar Xeyrullayev
İdman.biz
