Premyer Liqanın 14-cü turunun maraqlı görüşlərindən biri “Neftçi Arena”da baş tutacaq.
Sözügedən stadionda çempionatdakı işləri qaydasında getməyən iki komanda – “Neftçi”ylə “Zirə” üz-üzə gələcək.
Qonaqların baş məşqçisi Rəşad Sadıqov önəmli qarşılaşmada limit baxımından çətinlik çəkəcək.
Belə ki, əsas heyətdə görməyə alışdığımız yerli oyunçulardan Rüstəm Əhmədzadə ilə Qismət Alıyev bu görüşdə meydana çıxa bilməyəcək. Rüstəm uzun müddətə sıradan çıxıbsa, Qismətin hazırkı durumu tam gücü ilə mübarizə aparmağa imkan vermir.
Kapitan ən yaxşı halda ikinci hissədə oyuna qoşula bilər. Hətta bunun özü də mümkünsüz görünür.
Noyabrın 23-də “Neftçi Arena”da baş tutacaq görüşün start fiti saat 23:00-da çalınacaq.
HƏBİB / SPORTİNFO.AZ
