Bu gün Azərbaycan Basketbol Federasiyasının (ABF) prezidenti Emin Əmrullayev içraçı vitse-prezident Fərrux Mahmudovla birgə milli komandamızın oyunçu və məşqçi heyəti ilə görüşüb.
Futbolinfo.az xəbər verir ki, görüş zamanı İsveçrə ilə baş tutacaq vacib oyun öncəsində milli komandamıza həm mənəvi dəstək, həm də qələbə əzmini artıracaq motivasiya mesajları çatdırılıb.
Federasiya prezidenti Emin Əmrullayev milli komandanın Azərbaycanın basketbol tarixində yeni uğurlar qazanmaq potensialına malik olduğunu vurğulayaraq, basketbolçularımızın ölkəmizi layiqincə təmsil etmək üçün göstərdiyi səyləri yüksək qiymətləndirib. Görüşün sonunda milli komandamıza İsveçrə ilə oyunda uğurlar arzulanıb.
