“Sportinfo TV”nin aparıcı eksperti Elçin Cəfərov hadisə ilə üzləşib.
O, dünən axşam "Türkiyədən futbol" verilişindən çıxıb evinə qayıdarkən, işıqforun qırmızı işığında, piyada keçidindən istifadə zamanı avtomobil tərəfindən vurulub.
Hazırda Elçin Cəfərovun həyati təhlükəsi yoxdur, lakin o, müxtəlif bədən xəsarətləri alıb.
Tanınmış telejurnalist saytımıza bildirib ki, artıq xəstəxanadan buraxılıb və müalicəni ev şəraitində davam etdirəcək:
“Maşın çox sürətlə gəlirdi. Həta «qırmızı»da da əyləci basmadı.
Zərbə məni ayaq nahiyəsindən tutdu və göydə fırlanıb bir qədər kənara düşdüm. O anda fikirləşdim ki, mənimki də bura qədər imiş…
Sürücü məni götürüb Babək prospektində yerləşən xəstəxanaya apardı. Bütün gecə mənə «sistem» köçürüldü, ağrılardan yata bilmədim.
Bu gün səhər rentgen edildim və MRT-dən keçdim. Şükür, daxili qanaxma yoxdur.
Həkimlər bir qədər sakit şəraitdə qalmağımı və az yeriməyimi məsləhət gördü. Müxtəlif dərmanlar yazıblar. Bir müddət əsayla gəzməli olacam».
