Almaniyanın xarici işlər naziri Annalena Barbok və əri Daniel Holefleç 17 illik evlilikdən sonra boşandıqlarını açıqlayıblar.
Bu barədə “Bild” xəbər verir.
Bəyanatda deyilir: “Bir müddət əvvəl, uzun müddət davam edən proses nəticəsində biz birlikdə qərar verdik ki, artıq cütlük deyilik. Mümkün spekulyasiyaların qarşısını almaq üçün: yeni partnyorlarımız yoxdur. Bizim üçün ən vacib şey iki qızımızın sülh və sevgi içində böyüməsini təmin etməkdir. Buna görə də biz Potsdamdakı ümumi evimizdə yaşamağa davam edirik”.
Barbok və Holefleç 20 il əvvəl görüşməyə başlayıb. Hər ikisi o zaman Yaşıllar Partiyasının üzvü idi. Daha sonra arvadı onun liderlərindən birinə çevrilib və ər isə partiya sıralarını tərk edib. Onların 9 və 13 yaşlı iki qızı var.
