“Uzun müddət futboldan ayrı qaldım. Bu müddət zədə ilə bağlıdırsa, ümumiyyətlə yaxşı bir şey deyil. Çox çətinlik oldu. Şükür ki, artıq hər şey yaxşıdır və daha da yaxşı olması üçün çalışmalarım davam edir”. Bu sözləri futbolinfo.az saytına açıqlamasında “Qəbələ”nin futbolçusu Murad Musayev deyib.
30 yaşlı müdafiəçi qarşıda onları “Karvan”la maraqlı oyun gözlədiyini bildirib: “Qarşıda bizi “Karvan”la maraqlı oyun gözləyir. Hazırda bütün ciddiyətimizlə ona hazırlaşırıq. Bu mövsüm heç qol buraxmamışıq. Məncə, çox gözəl bir şeydir. Lakin əsasən bizi düzgün oynamaq və qələbə qazanmaq düşündürür. Ən əsası isə yenidən Premyer Liqaya qayıtmaq istəyirik”.
Musayev Azərbaycan Kubokunun növbəti mərhələsində “Qarabağ”a qarşı keçirəcəkləri oyuna haqda da fikirlərini bölüşüb: “Güclü komandaya qarşı oynamaq bizə çox şey qazandıracaq. Çalışaraq yaxşı mübarizə aparacağıq. 2 il öncə kubokun finalında qarşılaşmışdıq və qələbə qazanmışdıq. Ancaq o vaxtdan bura çox şey dəyişib. Çətin olacaq, amma ən yaxşısı nədirsə, onu etməyə çalışacağıq”.
GÜNAY SÜLEYMANOVA
