Koloradoda (ABŞ) Cessna 182 yüngül təyyarəsinin qəzaya uğraması nəticəsində iki nəfər həlak olub.
“İki sahil” xəbər verir ki, bu barədə “NBC” televiziyası məlumat yayıb.
Qeyd edilib ki, axtarış-xilasetmə uçuşu həyata keçirən təyyarə Boulder şəhərindən təxminən 77 km şimalda qəzaya uğrayıb.
Təyyarədə mülki hava patrulunun könüllüləri olub.
Hadisə nəticəsində bir pilot və hava fotoqrafı həlak olub. İkinci pilot ağır xəsarətlərlə xəstəxanaya çatdırılıb.
Qəzanın səbəbi barədə məlumat verilmir. Səlahiyyətlilər baş verənlərlə bağlı araşdırmalara başlayıb.
Məhərrəm Ağalaroğlu, “İki sahil”
