Belə tədbirlərdən biri də "One Point Five – Metaversdə İlk İqlim Qəzeti"nin təqdimatı olub. Layihənin təqdimatı layihənin təsisçisi və baş redaktoru, Vaşinqtondakı Beynəlxalq Jurnalistlər Şəbəkəsinin (IJNet) yazarı olan misirli jurnalist və təlimçi Xalid Ammarın təşəbbüsü ilə baş tutub. Seminarda Misir, Azərbaycan, İngiltərə, İsveç, Belarus, Nigeriya və Pakistandan olan media və iqlim üzrə ekspertlər iştirak ediblər.
Layihənin təsisçisi və rəhbəri Xalid Ammar seminarda iştirak edən qonaqları salamlayaraq onlara bu layihə haqqında geniş məlumat verib. Ammar bildirib ki, bu layihənin ilk təqdimatı COP-28 çərçivəsində edilib.
Daha sonra layihə çərçivəsində "Misir Arzusu" Fondunun İdarə Heyətinin sədri mühəndis Məhəmməd Həqqaq və idarə heyətinin üzvü Proffessonru Manal Metvali öz fikirlərini bildirib.
Layihə zamanı platformanın əhəmiyyətindən bəhs edilib. Onun iqlim dəyişikləri ilə mübarizə də insanları marifləndirilməsi üçün önəmi vurğulanıb.
Qeyd olunub ki, sözü gedən platforma 5 bölmədən ibarətdir. Burada insanlar həm istirahət edə həm də əylənə bilər. Bu layihə zamanı insanlar Amazon meşələrini texnologiyanın imkanları sayəsində evlərindən çıxmadan ziyarət edə bilər.
Tədbir zamanı iştirakçılar layihənin bir parçası olan sözü gedən texnoloji aparatla tanış olub.
