Red Bull komandasının hollandiyalı pilotu Maks Ferstappen vaxtından əvvəl 2024-cü il mövsümünün "Formula 1" sinfində avtoidman üzrə dünya çempionatının ümumi turnir cədvəlinin qalibi olub.
Ucnoqta.az xəbər verir ki, Ferstappen Las-Veqasda keçirilən 22-ci "Formula 1" tədbirində beşinci yeri tutub və xallarının sayını 403-ə çatdırıb.
Sürücülərin sıralamasında ikinci yeri tutan britaniyalı Lando Norris yarışın sonunda 6-cı olub və Hollandiya təmsilçisini tutmaq şansını itirib.
McLaren sürücüsünün 340 xalı var. Qran Prinin bu mərhələsində birinci yeri “Mercedes”in britaniyalı pilotu Corc Rassel, ikinci yeri onun həmyerlisi və komanda yoldaşı Lyuis Həmilton tutub. Ferrari komandasının ispaniyalı pilotu kiçik Karlos Sayns üçüncü olub.
Ferstappen ardıcıl dördüncü dəfə "Formula 1" çempionu olub, daha əvvəl britaniyalı Lyuis Həmilton (2017-2020), argentinalı Xuan Manuel Fangio (1954-1957) və alman Sebastian Fettel (2010-2013) qalib olub. Alman pilot Mixael Şumaxer ardıcıl beş titul qazanmağı bacarıb (2000-2004).
