Türkiyənin Afyonkarahisar vilayətinin Emirdağ rayonunda ağır zəncirvari yol qəzası baş verib.   Manset.az Türkiyə mediasına istinadən xəbər verir ki, qəza nəticəsində sərnişin avtobusu, evakuator və minik avtomobili toqquşub. Hadisə Ankara istiqamətində hərəkət edən nəqliyyat vasitələrinin qarşılaşması zamanı qeydə alınıb. Qəza nəticəsində 30 nəfər müxtəlif dərəcəli xəsarətlər alıb. Zərərçəkənlər təcili tibbi yardım vasitəsilə Afyonkarahisardakı müxtəlif xəstəxanalara çatdırılıb. Hazırda faktla bağlı araşdırma aparılır.