“Tehran İsrailin İrana qarşı son hücumlarına cavab verməyə hazırlaşır.
Hərbi rəsmilər İsrailin hərəkətlərinə cavab vermək üçün planlar və müxtəlif strategiyalar üzərində işləyirlər".
“Cebheinfo.az” xəbər verir ki, bunu İranın ali dini lideri Ayətullah Xameneyinin baş müşaviri Əli Laricani “Tasnim” agentliyinə müsahibəsində deyib.
O, Suriya və Livana son səfərindən də danışıb: “Son səfərim zamanı “Hizbullah” komandirlərinin yüksək əhval-ruhiyyəsini müşahidə etdim və bu, çox təsiredici idi”.
“Netanyahu “Hizbullah”ın hərbi texnikasının məhv edildiyini iddia edir.
Amma mən ondan soruşmaq istərdim ki, “Hizbullah” hərbi texnikasını Marsdan gətiribmi?” - İran mediası Laricanidən sitat gətirib.
