Qlobal birjalarda qızılın qiyməti keçən həftə 6 faiz artdıqdan sonra bu həftənin həftənin ilk ticarət günündə 1,65 faiz düşüb.
Marja.az xəbər verir ki, Bakı vaxtı ilə saat 09:10-a olan məlumata görə, qızılın unsiyası 2 min 670 dollara geriləyib.
Prezident Vladimir Putin Kiyevin Rusiya torpaqlarında Amerika və Britaniya istehsalı silahlardan istifadə etməsinə cavab olaraq Ukraynanı hədəf alandan sonra hərbi qüvvələrinin yenidən yeni raketdən istifadə edə biləcəyini deyib.
Qiymətli metal bu il mərkəzi bankların alışları, təhlükəsiz "liman" tələbinin artması, geosiyasi gərginliklərin artması və FED-in faiz endirim dövrü ilə əlaqədar olaraq təxminən 30 faiz dəyər qazanıb.
Digər tərəfdən, Goldman Sachs Group Inc. və UBS Group AG keçən həftə qızılın gələn il də bahalaşmasının davam etdirəcəyini gözlədiklərini açıqlayıblar.
Bazar bu həftə Fed-in ehtimal olunan faiz dərəcəsi yolu ilə bağlı fikir verə biləcək bir sıra məlumat gözləyir. Bunlara mərkəzi bankın noyabr ayı iclas protokolları, istehlakçı inamı və şəxsi istehlak xərcləri məlumatları daxildir.
