Rusiyanın daha bir “Superjet” təyyarəsi Krasnoyarskda təcili eniş edib.
Publika.az xəbər verir ki, bu barədə “ Baza” Teleqram kanalı məlumat yayıb.
Bildirilir ki, “Superjet” Krasnoyarsk şəhərində hidravlik nasazlıq səbəbindən təcili eniş edib. Nəşrin məlumatına görə, noyabrın 24-də səhər saatlarında Mineralnıye Vodı - Ufa - Krasnoyarsk marşrutu ilə hərəkət edən təyyarə ön şassinin hidravlikasında nasazlıq səbəbindən təcili eniş siqnalı verib.
Qeyd olunur ki, təyyarə yerli vaxtla saat 11:45-də Krasnoyarska enib. Sərnişinlərdən və ekipaj üzvlərindən heç birinin xəsarət almadığını vurğulanıb.
