Rusiyanın Moskva şəhərində “Zilart” yaşayış kompleksində yanğın baş verib.
Bizim.Media Rusiya mətbuatına istinadən xəbər verir ki, binanın 2-ci mərtəbəsindən başlayan yanğında kondisioner sistemləri yanıb.
İtki barədə məlumat yoxdur. Rusiya Fövqəladə Hallar Nazirliyinin əməkdaşları hadisə yerinə cəlb olunub. Yanğın lokallaşdırılıb.
Yanğının qısaqapanma nəticəsində baş verdiyi ehtimal edilir.
Qeyd edək ki, “Zilart” Moskvada elit yaşayış kompleksidir. Orada 3 otaqlı mənzilin qiyməti orta hesabla 63 milyon rubldan başlayır və 100 milyon rubla qədər çata bilər. Yaşayış kompleksi Moskva çayının sahilində yerləşir.
Bizim.Media
