Olaylar.az xəbər verir ki, bu haqda Politico yazır. Nəşrə görə, nəticə Avropada ciddi narahatlıqla qarşılanıb, çünki Rumıniyanın NATO və Avropa İttifaqı (Aİ) ilə münasibətləri təhlükə altına düşə bilər.
Corcesku heç bir siyasi partiyaya mənsub deyil və NATO ilə Aİ-yə qarşı skeptik münasibəti ilə seçilir. O, həmçinin Ukraynaya hərbi dəstəyi rədd edir. Ekspertlər hesab edirlər ki, onun prezident seçilməsi Buxarestin Avropa inteqrasiyasını dayandıraraq, Moskva ilə yaxınlaşma siyasətinə üstünlük verməsi ilə nəticələnə bilər.
Avropada bu seçki nəticələri Gürcüstan və Moldovadakı oxşar hadisələrə bənzədilir, burada da seçki sonrası Rusiyaya doğru bir yaxınlaşma müşahidə edilib. NATO və Aİ isə bu nəticələrin ittifaqdaxili problemlər yarada biləcəyindən narahatdır.
Corceskunun qalibiyyəti Rumıniyanın gələcək siyasi kursuna təsir edə biləcək əsas faktor kimi qiymətləndirilir. NATO və Aİ bu seçkinin nəticələrinə dair daha ətraflı strategiyalar hazırlamaq məcburiyyətində qala bilər.
