Gürcüstan parlamenti noyabrın 28-də keçiriləcək plenar iclasda baş nazir İrakli Kobaxidzenin rəhbərlik etdiyi yeni hökuməti təsdiq edəcək.AFN.az yerli mediaya istinadən xəbər verir ki, bu barədə qanunverici orqanın spikeri Şalva Papuaşvili parlament bürosunun iclasında bildirib.“Noyabrın 28-də saat 11-də “Gürcü arzusu” fraksiyasının iclası olacaq. Orada hökumətin tərkibinə baxılacaq, sonra isə hökumətin tərkibi plenar iclasda təqdim olunacaq və biz onu təsdiq edəcəyik”, - deyə Papuaşvili bildirib.
