Goranboyda icra başçısı Məhərrəm Quliyev aidiyəti məsul şəxslərlə birgə “Goran-Cotton” MMC-nin pambıq qəbulu məntəqəsində olub.
"Unikal" xəbər verir ki, Goranboyda pambıqçılığın becərilməsi və tədarükü ilə bağlı, “MKT İstehsal Kommersiya” MMC, “Azərpambıq” MMC və “Goran-Cotton” MMC fəaliyyət göstərir.
Cari ilin məhsulu üçün, 1450 hektar sahədə pambıq becərilmişdir. Hazırda pambıq yığımı işləri aparılır və 26 noyabr 2024-cü il tarixə 3200 tona yaxın məhsul toplanaraq, aidiyyəti üzrə qəbul məntəqələrinə təhvil verilib. Goranboy rayon İcra Hakimiyyətinin başçısı Məhərrəm Quliyev aidiyəti məsul şəxslərlə birgə, “Goran-Cotton” MMC-nin Dəliməmmədli şəhəri ərazisində fəaliyyət göstərən pambıq qəbulu məntəqəsində oldu, pambığın qəbulu və saxlanılması vəziyyəti ilə maraqlanıb.
