Avropa çempionatının seçmə mərhələsində çıxış edən 19 yaşadak qadınlardan ibarət Azərbaycan milli komandası üçün Kiprdə danışılmış oyunlarla bağlı maarifləndirici seminar keçirilib.
Apasport.az xəbər verir ki, UEFA-nın oyunların toxunulmazlığı üzrə məsul nümayəndəsi Seymur Səlimli “Futbol ictimaiyyəti olaraq danışılmış oyun və ya oyun manipulyasiyası haqqında nələri bilməliyik?” və “Bizim hədəfimiz sizi və futbolumuzu qorumaqdır” mövzularında mühazirə oxuyub, maarifləndirici və hesabat xarakterli təqdimatlar edib.
Seminarda “Danışılmış oyunlar”a qarşı mübarizə mövzusunda əhəmiyyətli məsələlər müzakirə olunub, təcrübə mübadiləsi aparılıb.
Danışılmış oyunların yerli və beynəlxalq nümunələri seminar iştirakçılarına təqdim edilib. İdman Yarışlarının Manipulyasiyası haqqında Konvensiya, Azərbaycan Respublikasının Cinayət Məcəlləsinə, Bədən Tərbiyəsi və İdman haqqında Azərbaycan Respublikasının Qanununa bir sıra əlavə və dəyişikliklər, eləcə də İntizam Komitəsinin İntizam Məcəlləsinə edilmiş əlavə və dəyişikliklər haqqında seminar iştirakçılarına məlumat verilib.
Seminar iştirakçılarına bildirilib ki, bu cür neqativ hallarla və ya şübhəli məqamlarla qarşılaşdıqda əlavə edilmiş linkə daxil olub, göstərilmiş əlaqə nömrələrinə və ya elektron ünvana məlumat göndərə bilərlər.
Giorgi Kantariya: "Artıq uğursuz seriyaya son qoymalıyıq" - Müsahibə
Tahir Gözel: "Hədəfimiz növbəti mərhələyə yüksəlməkdir"
"Neftçi" meydançaya kənar şəxslər daxil olduğuna görə ziyana düşüb
Qızlarımız İsveçrədən 8 cavabsız qol buraxdı - YENİLƏNİB
“Qarabağ” – “Lion” oyununun hakimləri açıqlanıb
