Olaylar.az xəbər verir ki, bu barədə telekanalın jurnalistləri 26 noyabr tarixində rəsmi şəkildə məlumatlandırılıb.
"Birinci Kanal"ın aparıcısı İvan Blagoyun sözlərinə görə, dekabrın birinci yarısında jurnalistlər İvan Blagoy və Dmitri Volkov Almaniyanı tərk etməlidirlər. "26 noyabrda büroya bu barədə rəsmi sənəd təqdim olundu," - deyə Blagoy efirdə bildirib.
Bu hadisə ABŞ-da "İzvestiya" jurnalistlərinin saxlanılması fonunda baş verir. Xatırladaq ki, ABŞ-da baş verən bu hadisəyə Kreml rəsmi reaksiya verib. Kremlin sözçüsü Dmitri Peskov rusiyalı jurnalistlərə qarşı belə münasibəti qəbuledilməz adlandırıb və onların ölkəyə giriş proseduruna tam əməl etdiklərini vurğulayıb.
Rusiya Xarici İşlər Nazirliyinin rəsmi nümayəndəsi Mariya Zaxarova isə bildirib ki, Vaşinqtondakı Rusiya səfirliyi ABŞ hakimiyyətindən jurnalistlərin saxlanılması ilə bağlı heç bir rəsmi bildiriş almayıb.
Almaniyada "Birinci Kanal"ın bürosunun bağlanması qərarı isə iki ölkə arasındakı gərgin münasibətlərin bir növ əks-sədası kimi dəyərləndirilir.
