"Mənim o vaxt çıxış etdiyim "Lion"la indiki arasında çox böyük fərq var. Klubun prezidenti belə dəyişib”.
İdman.biz xəbər verir ki, bunu "Qarabağ"ın futbolçusu Yassin Benzia UEFA Avropa Liqasının Liqa mərhələsinin 5-ci turunda Bakıda "Lion"la (Fransa) oyundan əvvəl keçirilən mətbuat konfransında bildirib.
2011-15-ci illərdə Fransa klubunda çıxış edən əlcəzairli sabiq komandası ilə qarşılaşmadan öncə fikirlərini açıqlayıb: “Mən oynadığım zaman bu komanda yüksək performans göstərirdi. Deyə bilərəm ki, bugünkü "Lion" da kifayət qədər uğurlu nəticələrə imza atır".
Qeyd edək ki, noyabrın 28-də Tofiq Bəhramov adına Respublika Stadionunda təşkil ediləcək "Qarabağ" - "Lion" görüşü saat 21:45-də start götürəcək.
Aytac Sahəd
İdman.biz
