Türkiyə Futbol Federasiyası (TFF) son dövrlərdə hakimlik sahəsində bir sıra yeniliklər həyata keçirib. Bu dəyişikliklərdən biri, Süper Liqanın bəzi kritik oyunlarında xarici Video Yardımçı Hakimlərin (VAR) təyin edilməsidir. TFF, UEFA və İtaliya, İspaniya, Almaniya, Niderland və Portuqaliya futbol federasiyaları ilə razılıq əldə edərək, bu ölkələrdən VAR hakimləri gətirib.
Fanat.Az xəbər verir ki, TFF Süper Liqada hakim təyinatlarında artıq rəqəmsal təyin üsulunu tətbiq etməyə başlayıb.
Bu metod hakimlərin təyinatında obyektivliyi və şəffaflığı artırmaq məqsədi daşıyır. Məsələn, Süper Liqanın 37-ci həftəsindəki oyunların hakimləri rəqəmsal sistem vasitəsilə müəyyən edilib.
Bu yeniliklər Türkiyə futbolunda hakimlik sisteminin təkmilləşdirilməsi və beynəlxalq standartlara uyğunlaşdırılması istiqamətində mühüm addımlardır.
