Azərbaycanda növbəti bələdiyyə seçkiləri 29 yanvar 2025-ci ildə keçiriləcək. Bu barədə Mərkəsi Seçki Komissiyasının bugünkü iclasında komissiyanın rəhbəri Məzahir Pənahov bildirib.
Qeyd edək ki, son illərdə bələdiyyələrin birləşdirilməsi siyasəti aparılır. Bu ilin yazında qanunvericiliyə bələdiyyələrin birləşdirilməsini nəzərdə tutan dəyişikliklər edildikdən sonra onların sayı 1400-dən 685-ə enib.
