“İstəyərəm, mənim də ailəm olsun. Amma yalnız elə-belə, uşaq doğmaq xətrinə ailə qurmaq istəmirəm”.
Yenicag.az xəbər verir ki, bu sözləri müğənni Dilarə Kazımova “Gün ortası” verilişində deyib.
Sənətçi şəxsi həyatı ilə bağlı fikirlərini bölüşüb:
“Həyatımın insanına rast gəlsəm, ailə quraram. Amma hələ ki, o insan rastıma çıxmayıb. Yalnız elə-belə, uşaq doğmaq xətrinə ailə qurmaq istəmirəm. İstəyirəm ki, ailə bütöv, yəni uşaq, ata, ana birlikdə olsun. Qismətə çox inanan bir insanam. Qismət olsa və rastıma elə bir insan çıxsa, onunla ailə quraram. Qismət olmasa da, buna görə narahat deyiləm. Həyatımın bu gedişatından razıyam və çox xoşbəxtəm”.
