Rusiya prezidenti Vladimir Putinin Qazaxıstana səfəri zamanı maraqlı bir hadisə baş verib.
Belə ki, səfər çərçivəsində keçirilən tədbirlərdən birində LED-ekranda Ukrayna bayrağı nümayiş etdirilib. Məlumata görə, bu, hakerlərin müdaxiləsi nəticəsində baş verib.
Sosial şəbəkələrdə yayılan videoda, Putinin çıxışı zamanı arxa plandakı ekranda Ukraynanın mavi-sarı bayrağının göründüyü aydın şəkildə müşahidə olunur. Hadisə yerində olanlar bu gözlənilməz görüntüyə təəccüblə yanaşıblar.
Qazaxıstan rəsmiləri hadisə ilə bağlı araşdırmalara başlayıb və məsul şəxslərin müəyyən edilməsi üçün tədbirlər görürlər.
Qeyd edək ki, bu, son dövrlərdə yüksək səviyyəli tədbirlərdə baş verən ilk belə hadisə deyil. Daha əvvəl də müxtəlif ölkələrdə oxşar haker müdaxilələri qeydə alınıb.
Hadisənin videosunu təqdim edirik:
Mənbə: musavat.com
