ABŞ-nın yeni seçilmiş prezidenti Donald Tramp istefada olan general Keyt Kelloqu özünün Ukrayna və Rusiya üzrə xüsusi nümayəndəsi vəzifəsinə irəli sürüb.
Reyting.az xəbər verir ki,general Keyt Kelloqu Trampın əvvəlki kabinetində təmsil olunub.
Kelloqun çox həssas milli təhlükəsizlik rolları da daxil olmaqla seçilmiş hərbi və biznes karyerası olduğunu ifadə edən Tramp deyib:
“O, əvvəldən mənimlədir. Birlikdə sülhü təmin edəcəyik, ABŞ və dünyanı yenidən təhlükəsiz edəcəyik”.
Kelloq 2018-2021-ci illərdə o vaxtkı vitse-prezident Mayk Pensin milli təhlükəsizlik üzrə müşaviri vəzifəsində çalışıb.
ABŞ-nın yeni seçilmiş prezidenti Tramp vəzifəyə başlayan kimi Rusiya-Ukrayna müharibəsini bitirmək üçün addımlar atacağını açıqlayıb və bu müharibənin daha da uzanmasını istəmədiyini bildirib.
ELÇİN
