Şimali Koreya ötən gecədən bəri sərhəddən cənuba zibillə dolu 40-a yaxın şar göndərib və onların əksəriyyəti paytaxt ərazisinə enib.
“İki sahil” “Yonhap”a istinadla xəbər verir ki, Birləşmiş Qərargah Rəisləri Seulu əhatə edən Gyeonggi əyaləti də daxil olmaqla paytaxt ərazisində cümə axşamı gecəsindən cümə səhərinin erkən saatlarına qədər Şimal tərəfindən buraxılan 30-a yaxın hava şarı aşkar etdiyini bildirib.
“Tapılan şarlardan Cənubi Koreyaya qarşı təbliğat vərəqələri və təhlükəsizliyə təhdid yaradan heç bir şey yoxdur”, - deyə ordu bildirib.
May ayının sonundan bəri Şimali Koreya cənubdakı fəallar tərəfindən sərhəddən göndərilən anti-Pxenyan təbliğat vərəqələrinə cavab olaraq, sonuncu da daxil olmaqla, 32 dəfə Cənuba belə şarlar buraxıb.
Məhərrəm Ağalaroğlu, “İki sahil”
