Noyabrın 18-dən 29-dək Finlandiyanın ərazi sularında və adalarda “Stingdantys veai 2024” (“Buzlu külək 2024”) beynəlxalq hərbi dəniz təlimi keçirilib.
Redaktor.az xəbər verir ki, bu barədə məlumatı Litva Müdafiə Nazirliyinin mətbuat xidməti yayıb.
“Təlim zamanı Litva əsgərləri Finlandiya Sahil Batalyonunun kəşfiyyat bölüyü və ABŞ dəniz piyadaları ilə birlikdə ərazinin, adanın və obyektin kəşfiyyat və reyd missiyalarını yerinə yetiriblər. Təlim zamanı əsgərlər üçün ən böyük çətinliklər dağlıq və qayalıq ərazi, eləcə də son dərəcə sərt iqlim olub”, - məlumatda deyilir.
Məlumata görə, beynəlxalq təlimlərə taktiki səviyyədə yerüstü döyüş, desant, sahil müdafiəsi və liman müdafiəsi üzrə əməliyyatlar daxil edilib.
Təlimlərdə ABŞ, Fransa, Almaniya, Danimarka, İsveç, Estoniya, Latviya, Litva və Finlandiyadan ümumilikdə 4,5 minə yaxın əsgər və dənizçi, 30 gəmi iştirak edib.
