NOCOMMENT.az xəbər verir ki, Fələstinin HƏMAS radikal hərəkatının hərbi qanadı Qəzza zolağından olan ikinci qrup israilli girovları Beynəlxalq Qızıl Xaç Komitəsinin (BQXK) əməkdaşlarına təhvil verməyə başlayıb. Bu barədə Fələstinin “Əl-Əqsa” telekanalı məlumat yayıb.
“Əl-Qəssam Briqadaları sionist girovların ikinci qrupunu Xan Yunisdə Qırmızı Xaç təşkilatına təhvil verməyə başlayır”, – deyə məlumatda bildirilir.
Bir gün əvvəl HƏMAS-ın hərbi qanadı İsrailli girovların ilk qrupunu Qırmızı Xaç əməkdaşlarına təhvil verib.
Bundan əvvəl noyabrın 25-də azad ediləcək israilli girovların sayı barədə məlumat daxil olub. CNN-in məlumatına görə, İsrail Həbsxana Xidmətinin bəyanatı 42 fələstinli məhbusun azad ediləcəyi ilə razılaşır, çünki İsrail və Həmas arasında atəşkəs razılaşması azad edilən hər israilli girov üçün üç fələstinli məhbusun dəyişdirilməsini nəzərdə tutur.
