1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Real Madrid"in hücumçusu Kilian Mbappenin durumu ilə bağlı ilkin rəy bəlli olub.
Oxu.Az xəbər verir ki, Çempionlar Liqasının "Atalanta" ilə görüşündə zədələnən fransalı futbolçu 2024-cü ildə yaşıl meydanlara çıxmayacaq.
Onun aldığı xəsarətin nə dərəcədə ağır olması dəqiqləşməsə də, istənilən əzələ ağrıları üzündən Mbappe La Liqanın "Rayo Valyekano" ilə dekabrın 14-dəki görüşündə oynamayacaq. Onun dörd gün sonra Qitələrararası Kubokun finalını buraxacağı da dəqiqləşib.
Kilian Mbappe "Sevilya"ya qarşı 2024-cü ilin son sınağında da forma geyinməyəcək. Kilianın meydanı axsayaraq tərk etməsi də durumunun yaxşı olmadığını göstərir.
Qeyd edək ki, Mbappe "Atalanta" üzərindəki 3:2 hesablı səfər qələbəsinə bir qolla töhfə verib.
