“Atalanta”nın baş məşqçisi Can Pyero Qasperini Çempionlar Liqasının Liqa mərhələsinin 6-cı turunda “Real”a qarşı keçirdikləri oyunu şərh edib.
Arena.az xəbər verir ki, Berqamo təmsilçisi doğma meydanda qarşılaşdığı İspaniya nəhənginə 2:3 hesabıyla məğlub olub.
İtalyan mütəxəssis matçdan sonra baş tutan mətbuat konfransında bunları söyləyib:
“Hər iki komanda futbol oynamaq istəyirdi, heç bir vaxt uzatma, simulyasiya yox idi, hər iki komanda öz gücündən istifadə edərək qalib gəlməyə çalışırdı. Əla futbol idi. Əlbəttə, azacıq məyus olsaq da, belə oyunlardan çox şey öyrənirik. Sadəcə, xırda xüsusları qaçırırıq, amma böyük çempionlara qarşı cəsarətlə oynadıq. Oyunla yox, hesabla məğlub olduq və bu, irəliyə doğru daha bir kiçik addım atmağımıza kömək edəcək”, deyə Qasperini vurğulayıb.
6 oyundan 11 xalla “Atalanta” UEFA Çempionlar Liqasının Liqa mərhələsinin yarış cədvəlində 9-cu pillədə qərarlaşıb. “Real” isə 9 xalla 18-ci pillədədir.
