1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Ermənistanın Kollektiv Təhlükəsizlik Müqaviləsi Təşkilatına (KTMT) bu strukturdan çıxmaq xahişi ilə rəsmi müraciət edib-etməməsi barədə Rusiya tərəfində etibarlı məlumat yoxdur".
Oxu.Az TASS-a istinadən xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.
Eyni zamanda, XİN-in rəsmi nümayəndəsi diqqəti İrəvandan müəyyən bəyanatların eşidilməsinə yönəldib:
"Guya onlar artıq özlərini hansısa çərçivədən kənarda görürlər, harasa gedirlər və s. Bununla bağlı Ermənistan nümayəndələrindən soruşmaq lazımdır", - deyə o məsləhət görüb.
Zaxarovanın sözlərinə görə, eyni yanaşma İrəvanın KTMT büdcəsinə üzvlük haqlarının ödənilməməsi məsələsinə də aiddir.
"Bir vaxtlar Ermənistan bununla razılaşıb və mən onların buna qarşı olduqlarını eşitməmişəm", - Zaxarova vurğulayıb.
