ABŞ Dolları/Türk lirəsi məzənnəsi yüksəlməkdə davam edir.
FED.az xəbər verir ki, Dollar/Tl məzənnəsi banklararası bazarda 34,89-u keçərək rekord qırıb. Avro/TL 36,73 səviyyəsini görüb.
Dollar/TL məzənnəsi bu həftə 0,3 faiz, 2024-cü ilin ötən dövründə 18 faizə artıb.
Noyabr ayı inflyasiya məlumatları Türkiyə Respublikası Mərkəzi Bankının (TCMB) bu ay ilk faiz endirimini edəcəyi ilə bağlı gözləntiləri zəiflədib. Bununla belə, bankirlər hələ də əsas gözləntilərin diapazonda qaldığı qənaətindədirlər.
Citi iqtisadçıları təqdimatlarında Türkiyə Cümhuriyyəti Mərkəzi Bankının (TCMB) dekabr ayında 0,25 bəndlik faiz endiriminin hələ də müzakirə mövzusu olduğunu bildiriblər.
ABŞ-da istehlak qiymətləri indeksi (CPI) keçən ay 0,3 faiz artaraq aprel ayından bu yana ən böyük artımı qeyd etsə də, gözləntilərə uyğun olub. Analitiklər bildirirlər ki, məlumatlar ABŞ Federal Ehtiyat Sisteminin (FED) rəsmilərini siyasəti normallaşdırmaqdan çəkindirəcək qədər güclü deyil. Dekabrın 18-də FED-in faiz dərəcələrini 0,25 faiz bəndi endirməsi ehtimalının 97 faiz olduğu təxmin edilir (Marja).
