Gürcüstan prezidenti Salome Zurabişvili dekabrın 29-da səlahiyyət müddəti başa çatdıqdan sonra Prezident Sarayını tərk etmək fikrində olmadığını bildirib. Onun sözlərini TASS sitat gətirir.
“Heç yerə getmirəm. Mən heç kimi tərk etməyəcəyəm. Məndən həmişə bu barədə soruşurlar. Mən buradayam və qalacağam”, - Zurabişvili televiziya ilə çıxışı zamanı deyib.
Xatırladırıq ki, dekabrın 14-də Gürcüstanda yeni prezident seçkiləri, dekabrın 29-da isə onun andiçmə mərasimi keçiriləcək. Lakin Zurabişvili və ölkə müxalifəti noyabrın 26-da hakim “Gürcü arzusu” partiyasının qalib gəldiyi parlament seçkilərinin nəticələrini tanımır. Onlar yeni dövlət başçısını seçməli olan yeni çağırış parlamenti qeyri-legitim hesab edirlər.
