1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiya Baş Prokurorluğu Nikita Xruşşovun nəticəsi Nina barəsində casusluq fəaliyyəti ilə bağlı yoxlama aparır.
Oxu.Az-ın "SHOT" "Telegram" kanalına istinadən məlumatına görə, işlə Moskva prokurorları məşğul olur.
Qurum "Xalqın Çağırışı" ictimai təşkilatının diqqətini cəlb edən onun bəyanatları ilə maraqlanıb.
30 ildən çoxdur ABŞ-də yaşayan Nina Xruşşova dəfələrlə Ukraynada münaqişəni pisləyib və Rusiyanın dağılması barədə danışıb.
Bununla əlaqədar ictimai fəallar sovet liderinin nəticəsinin Rusiyanın ərazi bütövlüyünə qəsd etməsini yoxlamağa, onu xarici agent kimi tanımağa və "Yeltsin Mərkəzi"ndəki çıxışını ləğv etməyə çağırıblar. Bu xahişlərlə onlar ölkənin Baş Prokurorluğuna və Ədliyyə Nazirliyinə müraciət ediblər.
