"Transfermarkt" portalı Səudiyyə Ərəbistanı çempionatının ən yüksək bazar dəyərinə malik on futbolçusunu təqdim edib.Səudiyyə çempionatında oynayan ən bahalı futbolçu "Əl-İttihad"ın yarımmüdafiəçisi Mussa Diabi olub, onun bazar dəyəri 35 milyon avro ilə qiymətləndirilib. Mohamed Simakan (Əl-Nasr, 28 milyon avro) və Ruben Neves (Əl-Hilal, 28 milyon avro) ilk üçlüyü tamamlayan futbolçular olub.“Əl-Nəsr”in lideri, portuqaliyalı hücumçu Kriştiano Ronaldo bu göstəriciyə görə ilk 10-luğa düşə bilməyib. Son bir ildə onun dəyəri 3 milyon avro azalıb və qiyməti 12 milyon avroya düşüb.
