1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiyanın Sankt-Peterburq şəhərindən olan qadın fırıldaqçılara inanaraq onlara 30 milyon rubldan çox pul verib.
Oxu.Az-ın Gazeta.ru-ya istinadən verdiyi məlumata görə, bu barədə Rusiya DİN-in regional idarəsi məlumat yayıb.
Dələduzlar 70 yaşlı qadını inandırıblar ki, kimsə onun pullarını əldə etməyə çalışır. Pulların naməlum şəxslərin əlinə keçməməsi üçün təqaüdçü qadın onları müxtəlif ünvanlarda gözləyən kuryerlərə təhvil verib.
Beləliklə, fırıldaqçılar zərərçəkəndən 34.9 milyon rubl (təxminən 574 500 manat) alıblar.
Qadın aldadıldığını başa düşüb və polisə müraciət edib. Hüquq-mühafizə orqanları xüsusilə külli miqdarda dələduzluq maddəsi ilə cinayət işi açıb.
Məlumata görə, təqaüdçü qadın fırıldaqçılarla iki ay ərzində ünsiyyətdə olub. Kuryerlərin gözlədiyi yerlərə qadını taksi ilə aparıblar. Zərərçəkən həmişə çatdırılma məntəqələrinə gedib, lakin son dəfə hesaba köçürmə edib.
