İspaniyanın "Mango" mağazalar şəbəkəsinin qurucusu 71 yaşlı İsak Andik Kataloniyadakı Montserrat monastırına gedərkən dağlardakı dərədə hündürlükdən yıxılaraq ölüb.
Şirkət özü qəzanın hansı şəraitdə baş verdiyini açıqlamadan Andik-in ölümünü bildirdi.
“İsak hamımız üçün nümunə idi. O, strateji baxışı, ruhlandırıcı liderliyi və şirkətimizə aşıladığı dəyərlərə sarsılmaz sadiqliyi ilə silinməz iz qoyaraq həyatını Manqoya həsr etdi”, - şirkətin açıqlamasında deyilir.
El Pais-in məlumatına görə, Andik dağlara və gəzintilərə maraq göstərib. O, 100 metrdən çox hündürlükdən yıxılıb və onu xilas etmək mümkün olmayıb.
İsak Andik 1984-cü ildə Barselonada ilk "Mango" qadın geyim mağazasını açarkən qardaşı Nachman ilə birlikdə Punto Fa, S.L-ni qurdu. Brend hazırda 110-dan çox ölkədə təmsil olunur və dünya üzrə 2700-ə yaxın mağazası var. Bu il Forbes jurnalı İsak Andiki Kataloniyanın ən varlı adamı kimi tanıdı və o, İspaniyanın ən varlı adamları siyahısına da daxil edildi. Andik və ailəsinin sərvəti 4,5 milyard avro qiymətləndirilir.
Əziz Mustafa
