ABŞ dövlət katibi Antoni Blinken Suriyanın yeni hakimiyyət orqanlarının nümayəndələri ilə danışıqlar aparıldığını təsdiqləyib.
“Qafqazinfo” xəbər verir ki, bu barədə “The Guardian” yazıb.
Blinken bildirib ki, o və digər diplomatlar İordaniyanın Aqaba şəhərində “Heyət Təhrir əl-Şam”ın (HTŞ) nümayəndələri ilə danışıqlar aparıb.
Danışıqlardan sonra ABŞ, Türkiyə, Avropa İttifaqı (Aİ) və ərəb ölkələrindən olan diplomatlar “daha ümidli, təhlükəsiz və dinc gələcək qurmaq üçün tarixinin bu kritik anında Suriya xalqına tam dəstək verəcəklərini” vəd ediblər.
