Dekabrın 16-na keçən gecə İsrail hərbi aviasiyası Suriyanın Tartus liman şəhərində yerləşən hərbi obyektlərə güclü zərbələr endirib. Şəhərdə rus qoşunlarının istifadə etdiyi dəniz bazası və hərbi gəmi təmiri zavodu yerləşir.
Bu barədə The Times of Israel xəbər verir. Qeyd olunur ki, İsrail Hərbi Hava Qüvvələrinin aviazərbələri Suriyanın Latakiya əyalətindəki hədəfləri də vurub. İsrail mediasının məlumatına görə, suriyalı hərbi müşahidəçi Tartusdakı hədəflərə hücumu on ildən artıq müddətdə - 2012-ci ildən bəri bölgədə "ən güclü zərbələr" adlandırıb.
Suriya İnsan Haqlarını Müşahidə Qrupu (SOHR) İsrail döyüş təyyarələrinin hava hücumundan müdafiə bölmələri və “yer-yer” raket bazaları da daxil olmaqla bir sıra hədəfləri vurduğunu iddia edir.
Oxuməni.az
