Dünən gecə saatlarında Nəsimi rayonu Həsən Əliyev küçəsində yerləşən “Avrasiya Hospital”da bədbəxt hadisə baş verdiyi məlumatı yayılıb.
Qeyd olunur ki, xəstəxananın liftinin qırılması nəticəsində 1978-ci il təvəllüdlü paytaxt sakini Rəhman Əlisəfa oğlu Məmmədov xəsarət alıb.
Məsələ ilə bağlı Teleqraf.com-un əməkdaşı hospitalla əlaqə saxlayıb. Xəstəxanadan məlumatın doğru olmadığı iddia edilib.
Baş Prokurorluqdan isə sorğumuza cavab olaraq bildirilib ki, məsələ hazırda araşdırılır və qısa müddətdə rəsmi məlumat veriləcək.
