Türkiyəli məşhur müğənni Ferdi Tayfur xəstəxanaya yerləşdirilib.
News24.az Söz.az-a istinadən xəbər verir ki, Muğlanın Marmaris rayonunda yaşayan məşhur sənətçi ötən gün yüksək təzyiqdən şikayətlənib.
Təcili yardımla özəl xəstəxanaya çatdırılan 79 yaşlı müğənni reanimasiya şöbəsinə yerləşdirilib.
İlk müayinələrdən sonra o, təcili yardımla başqa özəl xəstəxanaya aparılıb.
Tayfurun 15 gün əvvəl Antalyada bir xəstəxanada keçirdiyi əməliyyatda beyin damarına stent qoyulduğu və 4 gün əvvəl evə buraxıldığı bildirilib.
Sənətçinin səhhətinin yaxşı olduğu, müəyyən müddət həkimlərin nəzarətində saxlanılacağı vurğulanıb.
