Suriya İsrailə qarşı hücumlar üçün tramplin olmayacaq

Poliqon xəbər verir ki, bu barədə Dəməşqdə hakimiyyətə gələn silahlı qruplaşmaların lideri, Əbu Məhəmməd əl-Culani ləqəbi ilə tanınan Əhməd əl-Şaraa “The Times” qəzetinə müsahibəsində bildirib.

“Həyat Təhrir əş-Şam” qruplaşmasının liderinin sözlərinə görə, İsrail Suriyanın qərbində müxalifət qüvvələrinin Dəməşqə hücumu zamanı nəzarətə götürdüyü əraziləri tərk etməli olacaq.

“Biz nə İsraillə, nə də başqası ilə münaqişə istəmirik və Suriyanın hücumlar üçün tramplin kimi istifadə olunmasına icazə verməyəcəyik. Suriyalılara sülh lazımdır, zərbələr dayandırılmalı və İsrail əvvəllər işğal etdiyi mövqelərinə geri çəkilməlidir”, o əlavə edib.

Poliqon.info