Məşhur latviyalı basketbolçu, “Zenit”, “Ximki” və UNICS-in keçmiş oyunçusu Yanis Timma Moskvada ölü tapılıb.
Arena.az bu barədə “112” “Telegram” kanalına istinadən məlumat verir.
Mənbənin məlumatına görə, ilkin təxminə əsasən idmançı intihar edib. Moskvanın mərkəzində beşmərtəbəli binanın girişində 32 yaşlı idmançının meyiti tapılıb. Meyitin yaxınlıqda telefon, ekran qoruyucuda isə mərhumun keçmiş həyat yoldaşı Anna Sedokovanın telefon nömrəsi və ona zəng etməsi üçün xahişi olub.
Bundan əvvəl Yanis Timmanın müğənni Anna Sedokovadan boşandığı xəbəri yayılmışdı. Cütlük 2020-ci ildən evli idi. Onların uşaqları yoxdur. Yanis “Media Basket” yarışında iştirak edən “Alikson” basketbol komandasına qoşulmuşdu.
