Xəbər verdiyimiz kimi, Göyçayda güclü külək fəsadlara səbəb olub.Metbuat.az-ın məlumatına görə, güclü külək rayonun mərkəzi küçələrindən biri olan Heydər Əliyev prospektində dördmərtəbəli yaşayış binasının dam örtüyünü magistral yola atıb. Bundan əlavə ərazidə olan çinar ağacları və budaqları qırılaraq yolu bağlayıb. Bu səbəbdən istər avtomobillərin istərsə də piyada insanların hərəkət etmələrində bir sıra çətinliklər yaranıb. Hal-hazırda prospekt boyunca hərəkət tam olaraq iflic olub. Güclü küləyin yaratdığı fəsadlar aradan qaldırılır.Davud Tarverdiyev / Metbuat.az
