“Atalanta”nın baş məşqçisi, italyan mütəxəssis Can Pyero Qasperini Berqamo klubunun cari mövsümə hədəfini açıqlayıb.
Arena.az “Football Italia” nəşrinə istinadən məlumat verir ki, Qasperini İtaliya Kubokunda qalibiyyətin “Atalanta”nın cari mövsümdə əsas hədəfi olduğunu bildirib, həmçinin İtaliya A Seriyasının çempionluğu uğurunda mübarizədən söhbət açıb:
“İtaliya Kuboku – bizim, cari mövsüm üçün hədəfimizdir, xüsusən ona görə ki, yarışın tərtibatı bizə tezcə yarımfinal və finala çıxmağa imkan verir.
Bizim iddialarımız? Bu haqda çox danışılır. Bu, o deyil ki, kimsə skudettodan danışırsa, güclənir. Biz sadəcə öz oyunlarımızı oynamağa və bacardığımızın ən yaxşısını icra etməyə davam edirik. Bir çox komanda bir neçə xal öndə idi, amma biz bir sıra diqqətəlayiq qələbələrdən sonra özümüzü çox yüksəklərdə gördük. Amma bu, yalnız 16-cı turdur. Bu qədər komandanın iştirak etdiyi bir vaxtda skudetto haqqında danışmaq, üstünlüyümüz baxımından heç nə əlavə etmir”, deyə Qasperini vurğulayıb.
16 turdan sonra 37 xalla “Atalanta” İtaliya A Seriyasının yarış cədvəlinə başçılıq edir.
