İspaniyanın "Sevilya" klubunun Olavio Juninyo üçün "Qarabağ"a ödəmək istədiyi məbləğ müəyyənləşib.
Ucnoqta.az report-a istinadən xəbər verir ki, Əndəlüs təmsilçisi 28 yaşlı hücumçunun transferi üçün "köhlən atlar"a 2 milyon avroya yaxın təklif göndərib.
Bundan əlavə, "Sevilya" braziliyalı forvardın hazırkı durumda bir addım atmasını da gözləyir. Onlar danışıqlarda oyunçunun istəyindən də yararlanmaq niyyətindədirlər.
Belə olacağı təqdirdə La Liqa klubu Juninyo üçün növbəti təklifində məbləği yüksəltməyə çalışacaq.
