“Səfər oyunları heç vaxt asan olmur. Rəqibimiz bizə baxanda daha kasad rotasiya ilə oynadı”.
İdman.biz xəbər verir ki, bunu “Gəncə” basketbol klubunun baş məşqçisi Halil Atlı klubun mətbuat xidmətinə açıqlamasında deyib.
Mütəxəssis ABL-da səfərdə “Quba”nı 95:78 hesabı ilə məğlub etdikləri oyunu şərh edib. O bildirib ki, oyunçularının performansından razı qalıb: “Qarşılaşmaya hər iki komanda yaxşı başladı. Meydan sahibləri hücumda dəqiq oynamağa çalışdılar. Fasilədən sonra biz oyuna nəzarəti ələ keçirdik. Rotasiyadakı üstünlüyümüz işimizə yaradı. Müdafiədə yaxşı çıxış etdik. Hücumda dəqiq oynadıq. Meydançada hamıya oynamaq şansı verdik. Bu da bizim üçün yaxşı bir şeydir. Qarşıda “Ordu” ilə görüşümüz var. Bizim üçün çox önəmlidir. Təqvim sıxdır. Ona uyğun hazırlaşıb, matça ən yaxşı formada çıxmalıyıq”.
Qeyd edək ki, bu qələbədən sonra “Gəncə” 13 xalla ilk pillədəki yerini möhkəmlədib.
İdman.biz
